सडक अर्जुनी(अनिल मुनिश्वर):-
******************************
तालुक्यातील महामार्ग क्रमांक 53 वर फुटाळा/सौंदड गावात रेल्वे क्रॉसिंग जवळ 22 एप्रिल च्या रात्री आठ वाजता बायपास रोडवर कांकेर ट्रॅव्हल्स ची बस क्रमांक CG 04 NA 7776 रायपूर वरून हैदराबाद कडे जात असताना बसच्या मागील टायर गरम होऊन पेट घेतला त्यामुळे टायरला आग लागली व टायर फुटून बाहेर निघाला व संपूर्ण बस आगीच्या विळख्यात सापडली परंतु चालक के.गिरी याच्या काहीतरी जळाल्याचा वास येत असल्याचे लक्षात आल्याने व टायर पेटत असल्याचे निदर्शनास आल्याने बस त्वरित थांबवून सर्व 23 प्रवाशांना सुखरूप खाली उतरवले काही प्रवाशांनी आपले सामान उतरवले परंतु जड सामान, मोबाईल व लगेज उतरवू न सकल्याने सर्वसामान मोबाईल आगीमध्ये जळून खाक झाल झाल्याचे प्रत्यक्षदर्शीने सांगितले. आग लागल्याचे कळताच नगरपंचायत सडक अर्जुनी व नगरपरिषद साकोली अग्निशमन विभागाला तसेच पोलीस विभागाला सूचना देण्यात आली व लगेच दोन्ही विभाग आपापल्या गाड्या घेऊन आग विजवण्याचे प्रयत्न करून रात्री दहा वाजता पर्यंत आग विजविण्यात आली.
बसला आग लागल्याचे कळताच डुग्गीपार पोलीस स्टेशनचे ठाणेदार मंगेश काळे, महामार्ग पोलीस चे पोलीस निरीक्षक प्रशांत भुते,नगरपंचायत सडक अर्जुनी चे अग्निशमन अधिकारी हितेश हुकरे व साकोली येथील नगरपंचायत चे कर्मचारी त्वरित घटनास्थळी पोहोचून बसची आग आटोक्यात आणण्याचे शर्तीचे प्रयत्न केले.यात परिसरातील गावकऱ्यांच्याही मोठा सहभाग होता..
