सडक अर्जुनी(अनिल गो.मुनिश्र्वर):—
तालुक्यातील सौंदड येथील लोहिया शिक्षण संस्था द्वारा संचालित रामेश्वरदास जमनादास लोहिया माध्य. व उच्च माध्य.विद्यालय,रामदेवबाबा अध्यापक विद्यालय, जमुनादेवी लोहिया प्राथमिक शाळा यांच्या संयुक्त विद्यमाने सौंदड येथे दि.23 जानेवारी 2025 रोज गुरुवारला संस्थापक संस्थाध्यक्ष मा. जगदीश लोहिया यांच्या प्रेरणेने सुभाषचंद्र बोस व बाळासाहेब ठाकरे यांची जयंती विद्यालयाच्या प्राचार्या मा. उमा बाच्छल, यांच्या अध्यक्षतेखाली प्राचार्य मा.गुलाबचंद चिखलोंडे ,मुख्याध्यापक मा.मनोज शिंदे, पर्यवेक्षक मा. डी . एस.टेंभुर्णे, प्राध्यापक मा .आर .एन. अग्रवाल , मा. जी . एस. कावळे ,स. शि. सौ.के.एस. काळे यांच्या प्रमुख उपस्थितीत पार पडला.
कार्यक्रमाचे अध्यक्ष व प्रमुख अतिथींनी सुभाषचंद्र बोस यांच्या प्रतिमेचे पुजन करून माल्यार्पण केले. प्रमुख अतिथी मा. प्राचार्य चिखलोंढे सर , प्राध्यापक जी. एस. कावळे यांनी नेताजी सुभाषचंद्र बोस व बाळासाहेब ठाकरे यांच्या जीवन कार्यातून धडा घ्यावा असे मोलाचे मार्गदर्शन केले. तसेच विद्यालयातील विद्यार्थिनींनी गीत व भाषणातून नेताजींच्या जीवन कार्याविषयी माहिती सांगितली.
कार्यक्रमाला शिक्षक – शिक्षकेतर कर्मचारी व विद्यार्थी मोठ्या संख्येने उपस्थित होते.
कार्यक्रमाचे संचालन स. शि. एच . एन.लेनगुरे यांनी केले तर आभार स. शि. एस.व्ही.तोंडफोडे यांनी मानले.
