अखेर.! “तिने” मृत्यूला कवटाळले.
■ ग्राम मरामजोब व परिसरात हळहळ व्यक्त होत आहे.
देवरी(निखिल मुनिश्र्वर):-
ता.२८:देवरी पोलीस स्टेशन अंतर्गत ग्राम मरामजोब येथील ११व्या वर्गात शिकत असलेली विद्यार्थिनी घरच्याच चुलीजवळ बसून अभ्यास करताना, लागलेल्या आगीत गंभीर जखमी झालेली होती. सदर घटना शुक्रवार (ता.२७ डिसेंबर ) रोजी पहाटे ५:३० वाजेच्या दरम्यान घडलेली होती.
चांदणी किशोर शहारे (वय.१७) आगीत गंभीर झालेल्या विद्यार्थिनीचे नाव आहे.
मिळालेल्या माहितीनुसार, चांदणी शहारे ही विद्यार्थिनी शिवराम महाविद्यालय मुरदोली येथील अकराव्या वर्गामध्ये शिकत होती. हिवाळ्याचे दिवस असल्यामुळे थंडीपासून बचाव करण्याकरिता,नेहमीप्रमाणे अभ्यास करण्यासाठी पहाटेच्या दरम्यान उठून घरच्या चुलीजवळ बसून अभ्यास करीत होती.अचानक लागलेल्या आगीत सदर विद्यार्थिनी पूर्णतः जळाली.
गंभीर अवस्थेत असलेल्या मुलीला ग्रामीण रुग्णालय देवरी येथे दाखल करण्यात आले. परंतु सध्या स्थिती गंभीर असल्यामुळे गोंदियाला हलविण्यात आले. गोंदिया वरून रेफर नागपूरला करण्यात आले. मात्र उपचारादरम्यान चांदनी शहारे या विद्यार्थिनीचा शेवटी मृत्यू झाला. तिच्या मृत्यूमुळे गावात हळहळ व्यक्त केल्या जात आहे…
